ഈ പോക്കുവെയിലിൽ ഞാൻ തിരയുന്നത് നിന്റെ നിഴലുകളാണ് പൂർണതയില്ലാതെ പോയ എന്റെ പ്രണയത്തിന്റെ നിഴലുകൾ

Monday, February 8, 2016

എന്തിനീ ഓര്‍മകള്‍

എന്റെ ഓർമകളേ . . .
അല്പ നേരത്തേക്ക് എങ്കിലും വിട തരുമോ എനിക്ക്
അടക്കിപ്പിടിച്ചു ഞാന്‍ മറക്കുവാൻ
ശ്രമിക്കുമ്പൊഴൊക്കെയും
ഹൃദയം നീറ്റി കണ്ണുകള്‍ നനയിച്ചു ഉണർന്നു വരുന്നവ
അമ്മതൻ താരാട്ടായി
ബാല്യത്തിൻ കുസൃതികളായി
കലാലയത്തിൻ ശബ്ദമുഖരിതമായി
ചൂരലിൻ നൊമ്പരമായി
 മഴക്കാല ഈറൻ കാറ്റായി
മേടപ്പുലരിതൻ കുളിരായി
ഇടവ മാസ സന്ധ്യായായി
കർക്കിടകത്തെയ്യമായി
പ്രണയത്തിൻ പൂക്കളായി
 പിന്നെ ശോകമൂകമാം നോവായി
പോക്കു വെയില്‍ പക്ഷിതൻ മധുര ഗീതമായി
നാട്ടു വഴിയോര പുൽനാമ്പായി
സ്വപ്നങ്ങള്‍ ബാക്കിവെച്ച ഇന്നലെകളായി  . . . .
നിഴലായി ഈ ഓർമ്മകൾ എനിക്കെന്തിനു കൂട്ടിന് . .