പ്രണയ മഴ പെയ്തൊഴിഞ്ഞു

രാത്രി മഴ ഇരുളിൽ നിറഞ്ഞു പെയ്തു

സ്വപ്‌നങ്ങൾ കുളിരിൽ  അലിഞ്ഞു ചേർന്നു 

മനസ്സിൽ മറന്നൊരു ഋതുവിൻ അനുരാഗം 

കാറ്റായി വന്നെന്നെ തലോടി 

ജാലക വാതിലിൽ മഴ മുട്ടിവിളിച്ചു 

പ്രണയത്തിൻ നോവുണർത്തി !!!!!!!!!!!!!

ഒരു മഞ്ഞു കിരണമായി മനസ്സിൽ 

തളിരിട്ടതാണെൻ ,,,പ്രണയം 

ഈ കൊച്ചു തെന്നലിൽ അലയുവതല്ലോ 

കനവുകളായെൻ ,,,പ്രണയം 

ഇന്നെൻ നിനവിൽ കനലുകളായി 

എരിയുന്നതാണെൻ ,,,,പ്രണയം 

പ്രണയത്തിനോർമകൾ 

ഹൃദയത്തിൻ നോവിനാൽ,, മഴ 

കണ്ണുനീർ തുള്ളിയായി തിളങ്ങി 

ഈ മഴയുടെ നാദം 

പ്രണയത്തിൻ  നൊമ്പര ഗീതം 

ഏഴു സ്വരങ്ങളിൽ പാടുന്നീ മഴ 

ഏഴു നിറങ്ങളിൽ നിറയുന്നു 

കിളിനാദം മഴയുടെ താളം 

എൻ പ്രണയത്തിൻ നോവുമാത്രം 

താളിലയിൽ നിറയുന്ന മഴതുള്ളിപോൽ 

മണ്ണിൽ മറഞ്ഞൊരു പ്രണയം 

രാത്രി പെയ്ത മഴയായി 

ഒരോർമയായി ഇന്നെൻ പ്രണയം